ᐊᕐᕌᒍᑕᒫᑦ ᑭᕙᓪᓕᕐᒥᑦ ᑕᐅᖅᓰᑦᑎᑦᑎᓂᖅ ᑭᕙᓪᓕᕐᒥ ᓇᖕᒥᓂᖃᕐᑐᓂᒃ ᑕᐅᖅᓰᖃᑎᒌᖕᓂᖅ ᐱᒋᐊᕐᓂᐊᖅᑐᖅ ᐅᓐᓄᒃᓴᖓᓂᑦ ᒪᓐᑎ ᓯᑎᐱᕆ 26 ᑲᑎᓯᒪᓐᓂᒃᑯᑦ. ᑐᒡᓕᐊᓂᑦ ᑕᒪᕐᒥᒃ ᑕᐅᖅᓰᖅᑎᑦᑎᓂᖅ ᐊᒻᒪᓗ ᓴᓇᙳᐊᖅᑕᐅᔪᓂᒃ ᓂᐅᕕᐊᒃᓴᖃᕐᓂᖅ ᕿᑎᒡᕕᖕᒥᐅᓂᐊᖅᑐᖅ. ᑐᒡᓕᐊᓂᑦ ᐅᓐᓄᒃᓴᒃᑯᑦ ᐃᓚᐅᖃᑕᐅᔪᑦ ᐊᒻᒪᓗ ᓄᓇᓕᖕᒥᐅᑕᐃᑦ ᖃᐃᖃᑕᐅᖁᔭᐅᔪᑦ ᑕᐅᑐᕋᓐᓈᖅᑎᑦᑎᓂᕐᒧᑦ ᐱᐅᓂᖅᐹᖏᓐᓂᒃ ᑭᕙᓪᓕᐅᑉ. ᕿᑎᐊᓂᑦ ᐅᑉᓛᒃᑯᑦ ᐊᒻᒪᓗ ᐅᑉᓗᕈᒥᑖᓂᒃᐸᑕ ᐊᑎᓕᐅᖅᓯᒪᔪᑦ ᐃᓚᐅᔪᑦ ᑐᓵᓂᐊᖅᑐᑦ ᐅᖃᓪᓚᒃᑎᓂᑦ 2016-ᒥᑦ ᐱᔾᔪᑎᖃᖅᑐᒥᒃ. ᐅᓐᓄᒍᒥᑕᕐᓂᖅ ᕿᑎᐊᓂᑦ ᓯᑎᐱᕆ 28-ᒥᑦ ᐱᐊᓂᒃᓯᓂᐊᖅᑐᖅ 2016-ᒥᑦ ᑭᕙᓪᓕᕐᒥᑦ ᑕᐅᖅᓰᖃᑎᒌᖕᓂᕐᒥᒃ ᓂᐅᕕᐊᒃᓴᖃᕐᓗᑎᒃ ᐆᒃᑐᖅᑕᐅᔪᖕᓇᖅᑐᓂᒃ, ᐃᓕᑕᖅᓯᓗᑎᒃ ᐱᔾᔪᔾᔨᔪᓂᒃ ᐊᒻᒪᓗ ᑲᑎᒪᔨᐊᓛᓂᒃ ᐊᑭᓕᖅᑐᖅᑕᐅᙱᖦᖢᑎᒃ ᑲᒪᔨᓂᒃ.
ᑭᕙᓪᓕᕐᒥ ᓇᖕᒥᓂᖃᕐᑐᓂᒃ ᑕᐅᖅᓰᖃᑎᒌᖕᓂᖅ ᒫᓐᓇᐅᔪᖅ ᐱᕙᓪᓕᐊᓂᖃᖅᑐᑦ ᐊᒻᒪᓗ ᓇᓗᓇᐃᖅᓯᓂᕐᒥᒃ ᖃᖓᒃᑰᖓᓂᖏᑦ ᖃᓄᐃᓕᐅᕐᓂᐅᔪᑦ 7-ᒋᔭᖓᓂᑦ ᐊᕐᕌᒍᑕᒫᑦ ᑕᐅᑐᕋᓐᓈᖅᑎᑦᑎᓂᕐᒥᑦ. ᖃᐅᔨᒋᐊᑲᓐᓂᖃᑦᑕᕐᓂᐊᖅᐳᑎᑦ ᑕᒡᕗᖓ ᓇᓗᓇᐃᔭᖅᓯᒪᔪᓄᑦ, ᐃᓂᐅᔪᓄᑦ ᐊᒻᒪᓗ ᐅᖃᓪᓚᒃᑎᓄᑦ ᑐᕌᖓᔪᓄᑦ.