ᐃᓅᕕᑦ ᓱᓇᓕᐅᕈᖕᓇᖅᖢᑎᑦ ᐊᒻᒪᓗ ᐱᔪᒪᓂᖃᖅᖢᑎᑦ?
ᓇᖕᒥᓂᖃᕐᓂᕐᒧᑦ ᐱᔪᒪᓂᖃᖅᐱᑦ ᐃᓕᑦᑎᓗᑎᓪᓗ ᓄᑖᓂᒃ ᐊᔪᙱᓐᓂᐅᔪᓂᒃ?
ᑐᒃᓯᕋᐅᓯᐅᕐᓗᑎᑦ ᑭᕙᓪᓕᕐᒥᑦ ᓇᖕᒥᓂᖃᕐᓂᕐᒧᑦ ᑐᕌᖓᔪᖅ-ᒧᑦ:
ᑐᕌᖓᔫᑉ ᒥᒃᓵᓄᑦ ᓇᓗᓇᐃᔭᖅᓯᒪᔪᑦ:
- KEP ᐊᐅᓛᕐᓂᐊᖅᑐᖅ ᐱᓇᓱᐊᕈᓯᕐᒥᑦ ᑕᐅᖅᓰᖃᑎᒌᒃᑎᓪᓗᒋᑦ – ᓯᑎᐱᕆ 23-ᒥᑦ 27-ᒧᑦ, 2019-ᒥᑦ ᑲᖏᖅᖠᓂᕐᒥᑦ.
- ᐃᓚᐅᔪᑦ ᑲᑎᓯᓂᖅ ᐃᓄᖕᓂᒃ ᐅᓐᓄᒃᑯᑦ, ᓯᑕᒪᓄᑦ-ᐅᑉᓗᕐᓂᑦ ᐃᓕᓐᓂᐊᕐᓂᖅ, ᐊᒻᒪᓗ ᐅᒃᑯᐊᖅᐸᓪᓕᐊᓂᖓ ᐅᓐᓄᒃᑯᑦ ᓂᕆᑎᑕᐅᓂᖅ.
- ᑎᖕᒥᓲᒃᑰᕈᑎᖃᖅᑎᑕᐅᓂᐊᖅᑐᑦ ᑲᖏᖅᖠᓂᕐᒧᑦ ᐅᑎᒧᓪᓗ (ᓯᑎᐱᕆ 22-ᒥᑦ 27-ᒧᑦ). ᑎᖕᒥᓲᕐᒧᑦ ᐃᑭᙱᒃᑯᕕᑦ, ᐃᓕᖕᓂᒃ ᐱᔭᒃᓴᐅᑎᖃᕐᓂᐊᖅᑐᑎᑦ ᐋᖅᑭᒃᓯᓂᕐᒧᑦ ᑎᖕᒥᓲᒃᑰᕈᑎᒥᑦ; ᐊᒻᒪᓗ ᐊᑭᓖᓗᒍ ᐊᓯᐊᙳᖅᓯᓂᕐᒧᑦ ᐊᑭᐅᔪᖅ, ᓄᖅᑲᕐᓂᕐᒧᑦ ᐅᕝᕙᓘᓐᓃᑦ ᑎᖕᒥᓲᒃᑰᕈᑎᒧᑦ ᐊᒥᐊᒃᑯᖓᓄᑦ ᐊᑭᐅᔪᑦ.
- ᑐᔪᕐᒥᓂᐊᖅᑐᑦ ᐊᑭᓕᖅᑐᖅᑕᐅᔪᓂᑦ ᐊᖏᕐᕋᕆᔭᐅᔪᓂᑦ. ᓇᓂᓯᔪᖕᓇᖅᑐᑎᑦ ᖃᑕᙳᑎᖕᓂᑦ ᐅᕝᕙᓘᓐᓃᑦ ᐱᖃᓐᓈᕆᔭᖕᓂᑦ ᑐᔪᕐᒥᕝᕕᒋᓂᐊᖅᑕᖕᓂᑦ; ᐅᕝᕙᓘᓐᓃᑦ ᑕᐅᖅᓰᖃᑎᒌᒃᑯᑦ ᐃᑲᔪᕈᖕᓇᕐᓂᐊᖅᑖᑎᑦ ᓇᓂᓯᔾᔪᑎᓗᑎᑦ ᑐᔪᕐᒥᕝᕕᒋᓂᐊᖅᑕᖕᓂᑦ. ᑐᔪᕐᒥᕝᕕᐅᔪᓗᒃᑖᑦ ᐊᑭᓕᖅᑕᐅᓂᐊᖅᑐᑦ $125/ᐅᑉᓗᖅ ᐅᑉᓛᕈᒥᑕᖅᑕᖕᓄᑦ ᐊᒻᒪᓗ ᑐᔪᕐᒥᕝᕕᒋᓂᕐᒧᑦ.
- ᑲᒪᒋᔭᐅᓂᐊᖅᑐᑦ ᐅᑉᓗᕈᒥᑕᕐᓃᑦ ᐊᒻᒪᓗ ᐅᓐᓄᒍᒥᑕᕐᓃᑦ ᐊᒻᒪᓗ ᓄᓇᓕᖕᒥᑦ ᐃᖏᕐᕋᔭᖕᓃᑦ ᑕᐃᑯᖓ/ᑕᐃᑲᙵᑦ ᒥᑦᑕᕐᕕᖕᒥᑦ ᐊᒻᒪᓗ KEP-ᒧᑦ ᖃᓄᐃᓕᐅᕐᓂᐅᔪᑦ.
ᑐᒃᓯᕋᐅᓯᐅᖅᑐᑦ ᐃᒪᓐᓇᐃᑦᑕᕆᐊᖃᖅᑐᑦ:
- ᐅᑭᐅᖃᕐᓗᑎᒃ 19-ᓂᒃ ᐅᖓᑖᓂᓘᓐᓃᑦ
- ᑭᕙᓪᓕᕐᒥᐅᑕᐅᓗᓂ
- ᖁᑦᑎᖕᓂᖅᓴᒧᑦ ᐃᓕᓐᓂᐊᕆᐊᕐᓂᕐᒧᑦ ᐃᓚᐅᖃᑕᐅᙱᓪᓗᓂ
- ᐃᖕᒥᓂᒃ-ᖃᓄᐃᓕᐅᕈᖕᓇᕐᓗᓂ ᐊᒻᒪᓗ ᐱᔭᒃᓴᐅᑎᖃᕐᓗᓂ
- ᓂᕈᐊᖅᑕᐅᔪᓗᒃᑖᑦ ᐃᓚᐅᖃᑕᐅᔪᑦ ᓂᕆᐅᒋᔭᐅᓂᐊᖅᑐᑦ ᐃᓚᐅᖃᑕᐅᓗᑎᒃ ᐱᔭᕆᐊᖃᖅᑐᒥᑦ KEP-ᒧᑦ ᖃᖓᒃᑰᖓᔪᒧᑦ, ᐊᒻᒪᓗ ᐃᓚᐅᖃᑕᐅᖁᔭᐅᔪᑦ ᑭᕙᓪᓕᕐᒥᑦ ᑕᐅᖅᓰᖃᑎᒌᖕᓂᕐᒥᑦ ᖃᓄᐃᓕᐅᕐᓂᐅᔪᓄᑦ.
- ᓂᕈᐊᖅᑕᐅᔪᓗᒃᑖᑦ ᐃᓚᐅᖃᑕᐅᔪᑦ ᐸᕐᓇᒃᓯᒪᔭᕆᐊᖃᕐᓂᐊᖅᑐᑦ ᐅᖃᓪᓚᐅᓯᖃᕐᓗᑎᒃ ᓇᖕᒥᓂᖃᕐᓂᕐᒧᑦ ᐃᓱᒪᒋᔭᖏᓐᓂᒃ ᐱᔪᒪᔭᖓᓐᓂᒃ.
ᐃᐊᒪ ᑯᕉᒍ, ᑭᕙᓪᓕᕐᒥᑦ ᓇᖕᒥᓂᖃᕐᓂᕐᒧᑦ ᑐᕌᖓᔪᒧᑦ ᐃᑲᔪᖅᑎᖓ ᑐᑭᒧᐊᒃᑎᑦᑎᔨᐅᑉ
ᐅᖃᓘᑎ: (867) 857-6788