ᒪᒃᑯᒃᑐᓂᑦ ᓇᖕᒥᓂᖃᕐᓂᕐᒧᑦ ᑐᕌᖓᔪᖅ – YEP!

ᒪᒃᑯᒃᑑᕕᑦ ᓱᓇᓕᐅᕈᖕᓇᖅᖢᑎᑦ ᐊᒻᒪᓗ ᐱᔪᒪᓂᖃᖅᖢᑎᑦ?
ᓇᖕᒥᓂᖃᕐᓂᕐᒥᒃ ᐱᔪᒪᓂᖃᖅᐱᑦ ᐊᒻᒪᓗ ᐃᓕᑦᑎᔪᒪᕕᑦ ᓄᑖᓂᒃ ᐊᔪᙱᓐᓂᖃᕐᓂᕐᒥᒃ?

ᐅᓇ ᓇᕿᓪᓗᒍ ᑐᒃᓯᕋᐅᓯᐅᕐᓂᐊᕐᓗᑎᑦ ᒪᒃᑯᒃᑐᓂᑦ ᓇᖕᒥᓂᖃᕐᓂᕐᒧᑦ ᑐᕌᖓᔪᖅ-ᒧᑦ

ᑐᕌᖓᔫᑉ ᒥᒃᓵᓄᑦ ᓇᓗᓇᐃᔭᖅᓯᒪᔪᑦ:

  • YEP ᐊᐅᓛᕐᓂᐊᖅᑐᖅ ᓯᑎᐱᕆ 25-ᒥᑦ 27-ᒧᑦ, 2017-ᒥᑦ ᑲᖏᖅᖠᓂᕐᒥᑦ.
  • ᖃᐅᔨᒪᔾᔪᑎᓕᕐᓂᕐᒧᑦ ᑲᑎᔾᔪᑎᓂᖅ ᐅᓐᓄᒃᑯᑦ, ᒪᕐᕉᖕᓄᑦ ᐅᑉᓘᖕᓄᑦ ᑲᑎᒪᓂᖅ, ᐊᒻᒪᓗ ᐅᒃᑯᐊᖅᐸᓪᓕᐊᓂᕐᒧᑦ ᐅᓐᓄᒃᑯᑦ ᑲᑎᓐᓂᖅ.
  • ᑎᖕᒥᓲᒃᑰᕈᑏᑦ ᑲᖏᖅᖠᓂᕐᒧᑦ ᑲᒪᒋᔭᐅᓂᐊᖅᑐᑦ (ᓯᑎᐱᕆ 25-ᒥᑦ 27-ᒧᑦ). ᑎᖕᒥᓲᕐᒧᑦ ᐃᑭᙱᒃᑯᕕᑦ, ᐃᓕᖕᓂᒃ ᑲᒪᒋᔭᕆᐊᖃᕐᓂᐊᖅᑕᐃᑦ ᑎᖕᒥᓲᒃᑰᕈᑎ, ᐊᑭᓖᓗᑎᓪᓗ ᐊᑭᓕᒐᒃᓴᖅᑕᖃᖅᐸᑦ, ᓄᖅᑲᖅᑎᑕᐅᓂᕐᒧᑦ ᐅᕝᕙᓘᓐᓃᑦ ᑎᖕᒥᓲᒃᑰᕈᑎᒧᑦ ᐊᑭᓕᒐᒃᓴᓄᑦ.
  • ᑐᔪᕐᒥᕖᑦ ᐊᖏᕐᕋᕆᔭᐅᔪᓂᐅᓂᐊᖅᑐᑦ. ᓇᓂᓯᔪᖕᓇᖅᑐᑎᑦ ᖃᑕᙳᑎᖕᓂᑦ ᐱᖃᓐᓈᕐᓂᒡᓘᓐᓃᑦ ᑐᔪᕐᒥᕝᕕᒋᓂᐊᖅᑕᖕᓂᑦ; ᐅᕝᕙᓘᓐᓃᑦ ᑕᐅᖅᓰᖃᑎᒌᒃᑎᒃᑯᑦ ᐃᓕᖕᓂᒃ ᐃᑲᔪᕐᓂᐊᖅᑐᑦ ᑐᔪᕐᒥᕕᒃᓴᕆᓂᐊᖅᑕᖕᓄᑦ. ᑐᔪᕐᒥᕝᕕᐅᔪᓗᒃᑖᑦ $125/ᐅᑉᓗᖅ ᐊᑕᐅᓯᖅ ᐊᑭᓕᖅᑕᐅᖃᑦᑕᕐᓂᐊᖅᑐᑦ ᐅᑉᓛᕈᒥᑕᕐᕕᒋᓂᐊᕐᓗᒋᑦ ᑐᔪᕐᒥᕝᕕᐅᓂᕐᒧᓪᓗ.
  • ᓂᕆᓂᐊᖅᑕᑎᑦ ᐊᒻᒪᓗ ᓄᓇᓕᖕᒥᑦ ᐃᖏᕐᕋᔾᔪᑏᑦ ᑕᐃᑯᖓ/ᑕᐃᑲᙵᑦ ᑎᖕᒥᓲᖃᕐᕕᖕᒥᑦ ᐊᒻᒪᓗ YEP-ᒧᑦ ᖃᓄᐃᓕᐅᕐᓂᐅᔪᓄᑦ ᑲᒪᒋᔭᐅᓂᐊᖅᑐᑦ.

ᑐᒃᓯᕋᐅᓯᐅᖅᑐᑦ ᐃᒪᓐᓇᐃᑦᑕᕆᐊᖃᖅᑐᑦ:

  • ᐅᑭᐅᖃᕐᓗᑎᒃ 19-ᓗ 29-ᓗ ᐊᑯᓐᓂᖏᓐᓂᑦ
  • ᑭᕙᓪᓕᕐᒥᐊᑕᐅᓗᑎᒃ
  • ᖁᑦᑎᖕᓂᖅᓴᒧᑦ ᐃᓕᓐᓂᐊᕐᕕᖕᒥᑦ ᐃᓕᓐᓂᐊᖅᑎᐅᓂᕐᒧᑦ ᐊᑎᓕᐅᖅᓯᒪᙱᓪᓗᑎᒃ
  • ᐃᖕᒥᖕᓂᒃ ᖃᓄᐃᓕᐅᕈᖕᓇᕐᓗᑎᒃ ᐊᒻᒪᓗ ᐱᔭᒃᓴᐅᑎᖃᕈᖕᓇᕐᓗᑎᒃ
  • ᓂᕈᐊᖅᑕᐅᔪᓗᒃᑖᑦ ᓂᕆᐅᒋᔭᐅᔪᑦ ᐃᓚᐅᖃᑕᐅᓂᐊᕐᓂᖏᓐᓄᑦ ᐊᓯᖏᓐᓄᑦ ᑭᕙᓪᓕᕐᒥᑦ ᑕᐅᖅᓰᖃᑎᒌᖕᓂᕐᒧᑦ ᖃᓄᐃᓕᐅᕐᓂᐅᔪᓂᑦ.

ᐃᐊᒪ ᑯᕉᒍ, ᒪᒃᑯᒃᑐᓂᑦ ᓇᖕᒥᓂᖃᕐᓂᕐᒧᑦ ᑐᕌᖓᔪᕐᒧᑦ ᐃᑲᔪᖅᑎ ᑐᑭᒧᐊᒃᑎᕆᔨᒧᑦ
ᐅᖃᓘᑎᖓ: (867) 875 6788

yep@kivalliqtradeshow.ca

Comments are closed