ᑭᕙᓪᓕᕐᒥᑦ ᑕᐅᖅᓰᖃᑎᒌᒃᑯᑦ ᑲᒪᔭᖃᖅᓯᒪᔪᑦ ᐊᕐᕌᒍᑕᒫᖅ ᑭᕙᓪᓕᕐᒥᑦ ᑕᐅᖅᓰᖃᑎᒌᒃᑎᑦᑎᓂᕐᓂᒃ ᑕᐃᒪᙵᓂᑦ 2009-ᒥᑦ ᐱᒋᐊᖅᖢᒍ, ᐊᒻᒪᓗ 2019-ᒥᑦ ᖁᕕᐊᓲᑎᖃᓚᐅᖅᑐᒍᑦ ᖁᓕᒋᓕᖅᑕᖓᓂᑦ ᑭᕙᓪᓕᕐᒥᑦ ᑕᐅᖅᓰᖃᑎᒌᒃᑎᑦᑎᓂᕆᔭᑉᑎᖕᓂᑦ. ᑕᐃᑉᓱᒪᓂ ᖃᐅᔨᒪᓚᐅᖏᑦᑐᒍᑦ 11-ᒋᓕᖅᑕᖓᓂᑦ ᐅᑭᐅᕐᒥᑦ ᓄᑖᒥᒃ ᐊᒃᓱᕈᕐᓇᖅᑐᖃᓛᕐᓂᖓᓂᑦ ᐱᔾᔪᑎᒋᑉᓗᒍ ᓄᕙᒡᔪᐊᕐᓇᖅ-19, ᑕᐅᖅᓰᖃᑎᒌᖕᓂᑦ 2020-ᒥᑦ ᐊᒻᒪᓗ 2021–ᒥᑦ ᓄᖅᖃᑎᑕᐅᓚᐅᖅᖢᑎᒃ. ᑭᓯᐊᓂ ᑭᕙᓪᓕᕐᒥᑦ ᑕᐅᖅᓰᖃᑎᒌᒃᑯᑦ ᐱᓕᕇᓐᓇᓚᐅᖅᑐᑦ ᖃᕆᑕᐅᔭᒃᑰᖅᑐᓂᒃ ᑐᕌᖓᔪᒃᑯᑦ ᐊᒻᒪᓗ ᐅᑎᖅᖢᑎᒃ ᑕᒡᕙᐅᖃᑎᒌᒡᓗᑎᒃ ᑕᐅᖅᓰᖃᑎᒌᖕᓂᐊᕐᓗᑎᒃ 13-ᒋᔭᖓᓂᑦ ᐅᑭᐅᕐᒥᑦ 2022-ᒥᑦ. ᖁᕕᐊᓲᑎᒋᓚᐅᖅᑕᕗᑦ 15-ᒋᓕᖅᑕᖓᓂᑦ ᐅᑭᐅᕐᒥᑦ 2024-ᒥᑦ ᐊᒻᒪᓗ ᐸᕐᓇᒃᐸᓪᓕᐊᔪᒍᑦ 2025-ᒥᑦ ᑕᐅᖅᓰᖃᑎᒌᖕᓂᐊᖅᑐᓄᑦ ᐊᒥᕋᐃᔭᕐᕕᖕᒥᑦ.
ᑭᕙᓪᓕᕐᒥᑦ ᑕᐅᖅᓰᖃᑎᒌᒃᑯᑦ, ᓴᖅᕿᑕᐅᓚᐅᖅᑐᑦ 2012-ᒥᑦ ᑮᓇᐅᔭᓂᒃ ᐱᕈᐃᑎᑦᑎᓂᖃᙱᑦᑐᑦ ᑲᑐᔾᔨᖃᑎᒌᖑᔪᑦ ᐊᑎᓕᐅᖅᓯᒪᑉᓗᑎᒃ ᓄᓇᕗᒻᒥ ᒪᓕᒐᓕᕆᓂᒃᑯᑦ ᐊᑎᓕᐅᕐᕕᖕᒥᑦ ᐊᕐᕌᒍᑕᒫᖅ ᐋᖅᕿᒃᓱᐃᖃᑦᑕᖅᑐᑦ, ᑕᑯᒃᓴᐅᑎᖦᖢᒍ, ᐊᒻᒪᓗ ᐱᓕᕆᐊᕆᑉᓗᒍ ᑕᐅᖅᓰᖃᑎᒌᖕᓂᖅ ᐅᑭᐅᑕᒫᒃᑯᑦ. ᐊᕐᕌᒍᑕᒫᖅ ᑕᑯᔭᒃᓴᖃᖅᑎᑦᑎᖃᑦᑕᖅᑐᖅ ᓴᖅᕿᔮᖅᑎᑦᑎᖃᑦᑕᖅᑐᖅ ᐱᔭᒃᓴᐅᑎᖃᕐᓂᒃᑯᑦ ᐱᕙᓪᓕᐊᓂᖏᑦ ᓇᖕᒥᓂᖅ ᐱᓕᕆᐊᖑᔪᑦ ᐊᒻᒪᓗ ᐊᔾᔨᒌᙱᑦᑑᑏᑦ ᐱᕈᖅᐸᓪᓕᐊᑎᑦᑎᓂᖃᖅᑐᑦ ᑭᕙᓪᓕᕐᒥᑦ.
ᑭᕙᓪᓕᕐᒥᑦ ᑕᐅᖅᓰᖃᑎᒌᒃᑎᑦᑎᓂᖅ ᐊᐅᓚᑕᐅᖃᑦᑕᖅᑐᖅ ᐃᑲᔪᖃᑦᑕᖅᑐᓄᑦ ᑲᑎᒪᔨᐅᑉᓗᑎᒃ ᑭᕙᓪᓕᕐᒥᑦ ᑕᐅᖅᓰᖃᑎᒌᒃᑯᓐᓄᑦ. ᐃᑲᔪᕐᓂᐊᖅᑐᓂᑦ ᐃᓚᐅᔪᑦ ᑭᒡᒐᖅᑐᐃᔪᑦ ᐊᔾᔨᒌᙱᑦᑐᓂᑦ ᑭᕙᓪᓕᕐᒥᑦ ᐊᒻᒪᓗ ᓄᓇᓕᖕᒥᑦ ᐱᕙᓪᓕᐊᓂᕐᒧᑦ ᐊᐅᓚᑦᑎᔨᓂᑦ ᑭᕙᓪᓕᕐᒥᑦ.
